گەلێ دوژمن لە گشت لا خەریکی کوشتنی تۆیە

حکوومەتی ئێران بە بەهانەی چەک سەندنەوە لە ١ی کانوونی ساڵی ١٩٥٠دا بە هێزی هوایی و زەمینییەوە پەلاماری عەشیرەتی جوانڕۆی دا. بەو هۆیەوە ئەم دەستە بەستە بێژراوە.

از کتاب:

دیوانی ئەوڕەحمان بەگی بابان

اثر:

عبدالرحمان بیگ بابان (1880-1967)

1 دقیقه 945 مشاهده

زبان:

کردی مرکزی

قالب:

مثنوی

وزن:

فونت:

گەلێ دوژمن لە گشت لاوە، خەریکی کوشتنی تۆیە

لە هەر گۆشەی، وەتەن، گوێ بگرە دەنگی شین و ڕۆڕۆیە

ئەسیری و کوشتنی کوردان دەمێکە تەوقی ئەستۆیە

لە پاش کوشتاری ئێستە کە نۆرەی یە

لە بەر چی؟ خوێنی ئەم قەومە موباحە لای هەموو قەومێ

لەسەر ئەم قەومە مەزڵوومە قیامەت بۆ چی ناقەومێ

لە قانوونی ژیان، هەر قەومی کورد مەئیوس و مەحروومە

جەزای دارە، ئەوی ژینی بوێ، لەم قەومە مەزڵوومە

بەری ئەم دارە ئەستۆ و گەردنی لاوانی مەحکوومە

لە دونیادا ژیان بۆ قەومی کورد نایاب و مەعدوومە

لە کوێی ئەی ڕۆحی ، هەڵگری بەیداخی حوڕڕییەت

نەجاتی میللەتی کورد دەی، لە دیلی و مەینەت و زیللەت

مەپرسە بۆ سوورە؟ بۆ چی لێڵاوە

بەڕاستی ئاوی ئەم نەهرانە سێسەد ساڵە خوێناوە

چ خوێنێ؟، خوێنی کورد و لاوی کوردستانە ڕێژراوە

لە لای تورک و عەجەم کوشتاری ئێمە مۆدەیە و باوە

لە مێژووی کۆمەڵا یەک و سەد تۆڵە نووسراوە

ئەمە دەورێکی نزیکە هەڵکەوێ

ڕۆژهەڵاتی ناوەوە گیانی لەسەر لێو و دەمە لە سوورەی فەتحدا بەم ئایەتە دڵ شاد و مەسروورە