دڵم دەرهات و تۆ هەر دەر نەهاتی

از کتاب:
دیوانی مەحوی
اثر:
محوی (1836-1906)
 1 دقیقه  9493 مشاهده
دڵم دەرهات و تۆ هەر دەر نەهاتی
2022
با صدای: عەممار ڕۆستەمی (چیاکۆ)
دڵم دەرهات و تۆ هەر دەر نەهاتی
نەهاتی، هەر نەهاتی، هەر نەهاتی
کە ئەم خەندە و قسە و لێوەت هەیە تۆ
لە باتی شەککەر و نوقڵ و نەباتی
دەدەی وادەم بە قەتڵ ئەمڕۆ، سبەی هیچ
ئەتۆ شاهی، چیە وا بێ سەباتی!
لە دنیا جەننەتی خۆ دیوە هەر کەس
کە تۆ بی حازری وەختی وەفاتی
ئەگەر ڕۆژە، بتی من! هەر بتێ بێ
سەرەوژێرە کە تۆ وەک ڕۆژ هەڵاتی
کە خزر ئەو خاک و خۆڵی بەردەرەی دی
وتی: تۆ خاکی یا ئاوی حەیاتی؟
ڕوخیشی کردە ئەو لا، دەیشیپرسی
بە شۆخی، شاهی من، تۆ بۆ چی ماتی!
کە داغی سینەمی دی، دەردی دامێ
وتی: مۆرت هەیە، ساحێب بەراتی
کە شیرین و تەڕی دی شیعرەکانم
وتی: مەحویتخلص کە میراوی فوڕاتی