diłim derhat û to her der nehatî
From the Book:
Dîwanî Meḧwî
By:
Mahwi (1836-1906)
1 minutes
10819 views
Dilim derhat û to her der nehatî
2022
Voice of: عەممار ڕۆستەمی (چیاکۆ)
diłim derhat û to her der nehatî
nehatî, her nehatî, her nehatî
ke em xende û qise û lêwet heye to
le batî şekker û nuqił û nebatî
dedey wadem be qetił emřo, sibey hîç
eto şahî, çye wa bê sebatî!
le dinya cennetî xo dîwe her kes
ke to bî ḧazrî wextî wefatî
eger řoje, bitî min! her bitê bê
serewjêre ke to wek řoj hełatî
ke xizir ew xak û xołî berderey dî
witî: to xakî ya awî ḧeyatî?
řuxîşî kirde ew la, deyşîpirsî
be şoxî, şahî min, to bo çî matî!
ke daẍî sînemî dî, derdî damê
witî: morit heye, saḧêb beratî
ke şîrîn û teřî dî şî’rekanim
witî: meḧwîPen name ke mîrawî fuřatî