سەراپا بەندە ئەندامم لە قەیدی سیحری جادوویێ
از کتاب:
دیوانی سالم
اثر:
سالم (1800-1866)
1 دقیقه
512 مشاهده
سەراپا بەندە ئەندامم لە قەیدی سیحری جادوویێ
فەرەنگی مەزهەبێ، تەرسامیزاجێ ئاتەشی خوویێ
بە ئیما قاتیلی عوششاقە دیدەیی مەست بێماری
دەکا سەیدئەفگەنی سەییادی خوونڕێزم بە ئاهوویێ
وەفا ناکا بەڵا بەم موومیانەی من سەری یەک موو
ئەگەر هەر مووم زوبانێ بێت و دەرکا هەر زوبان موویێ
سەرەنگوشتی گەزی ڕاهیب کە دیی خاڵێ لە موهری ڕوو
بەسەریادا وتی: هەممەنزڵی عیسایە هیندوویێ
خزراعلامئاسا دڵم ئابی بەقای نۆشی لە خوەی عاریز
کە شەوهای زوڵمەتی تەی کرد لە حەلقەی چینی گێسوویێ
لە سایەی تووبەیا زەخمی دەشۆن مەحشەر لە کەوسەر حوور
بەرێ هەر کەس لە دونیادا برینی تیغی ئەبروویێ
حیجابت با بە ناری ئارەزوو، سالمتخلص نەسووتێنێ
لە چاکی جامە بۆ دەفعی تەبی، سا دەرخە لیموویێ