چونکە ئەو گۆیی زەنەخدانی هەیە
از کتاب:
دیوانی سالم
اثر:
سالم (1800-1866)
1 دقیقه
660 مشاهده
چونکە ئەو گۆیی زەنەخدانی هەیە
قامەتم شێوەیی چەوگانی هەیە
دڵ لە زوڵفایە بە ئوممێدی لەبی
هەوەسی چەشمەیی حەیوانی هەیە
تەڕ بکا حەڵقی منی تەشنە بە تیغ
ڕاستە یار ئەر سەری ئیحسانی هەیە
باغ و مەعدەنمە لەب و پوستانی
لەعلی ڕوممانی و ڕوممانی هەیە
وا لە دڵیا سەنەمم مەیلی ڕەقیب
حەیفە وەسواسەیی شەیتانی هەیە
بە زوبان سەعبە بڵێ دەردی دڵی
هەر کەسێ دیدەیی گریانی هەیە
لە عورووجایە گڕی ناری دڵم
تا قەبات جونبوشی دامانی هەیە
وا کە لەب بۆ سوخەن ئەی بەحری خیرەد
دا بڵێن: لەعلی دوڕئەفشانی هەیە
وەکوو فیرعەوناعلامە حەبیبم بە ستەم
تا ڕەقیبی وەکوو هاماناعلامی هەیە
ڕەشکی چیهرە و لەبی تۆیانە مودام
تا فەلەک شەمس و زەمین کانی هەیە
ئەو کەسەی دەردی بە دڵدا لە موژە
هەر لە شەهدی لەبی دەرمانی هەیە
شێرمەردانە عەلیاعلام، بێ بە سەگی،
هەر کەسێ هیممەتی مەرواناعلامی هەیە
لێ دە وەک موڕڕە بە ئەنگوشتی غەزەب
هەر کەسێ کینەیی عوسماناعلامی هەیە
نیگەهێ نەی شەهی مەردانی جیهان
سالمتخلصی غەمزەدە دیوانی هەیە