ڕەها ناکا دڵم توڕڕەی خەمی یار
از کتاب:
دیوانی سالم
اثر:
سالم (1800-1866)
1 دقیقه
563 مشاهده
ڕەها ناکا دڵم توڕڕەی خەمی یار
سەری نەبڕن هەتا وەک پەرچەمی یار
عەزیزە دڵ، هەتا دەمرم، بەقەد جان
زەمانێ چونکە ئەو بوو مەحرەمی یار
ببووسە ئەی سەبا گەر چوویە مەقسەد
لەباتیی من، بە فرسەت، ناودەمی یار
دڵی تەنگم نەبینێ ڕوویی شادی
ڕەفیقم بێ، ئەگەر غەیرەز غەمی یار
لە بەندا زەربی هەر موو کەوتە سەر دڵ
وەکوو دیرهەم لە توڕڕەی دەرهەمی یار
دەبێتە باغی جەننەت دەفعەیێ بێ
بە کولبەی سالمتخلصا گەر مەقدەمی یار