مەئلووفە زەوقی زاهید ئەوەندە بە تامی نیسک
از کتاب:
دیوانی مەحوی
اثر:
محوی (1836-1906)
1 دقیقه
1685 مشاهده
مەئلووفە زەوقی زاهید ئەوەندە بە تامی نیسک
بێگانە ماوە شەممی لە نەشئەی خیتامی میسک
ڕوتبەی کەماڵە ڕۆژە ڕەشی بۆ جگەر بە خوون
ناکامە تا کە ڕەش نەبووە خوونی خامی میسک
خەت، خاڵەکانی دەورووبەری لێوی گرتە ناو
ئەم عەنبەرەم نەدیوە کە بووبێ بە دامی میسک
بەر خیدمەتی غوباری ڕەهی یاری من: سەبا
دێنێ هەموو دەمێ، بە دوعاوە، سەلامی میسک
مەیڵێ خەتایە: ڕوو لە خەتایە بتم، بڵێ:
سوبحی بتانی چین و خەتا کەوتە شامی میسک
گەردی ڕەمی غەزالی چ دەشتێکە پێوە نیشت
ئەم تیبە لەو تەمەووج ئەدا هەر بە نامی میسک؟!
زوڵفی بە دەوری خاڵەکەیا دێ، هەموو دەمێ
مەحویتخلص ببینە عەنبەری سارا غوڵامی میسک