در ثنای حضرت باری ﷻ
از کتاب:
کۆمەڵەی شیعری فەقێ قادری هەمەوەند
اثر:
فقی قادر هموند (1830-1890)
2 دقیقه
764 مشاهده
زاتت بێچوونەن، زاتت بێچوونەن
سیفاتت ڕەنگ ڕەنگ، زاتت بێچوونەن
ئەمرت نەسیرعەت «کن فیکون» ەن
هەم عیلمت موحیت ڕەمز دەروونەن
جە عەرش و کورسی تا «تحت الثریعربی»
سەماوات و ئەرز ئەشیا و «مافیهاعربی»
یەکایەک مەسنووع، زاتت سانیعەن
یەک یەک بە دەریای لوتفت نافیعەن
هەرچی هەن جوملە جە تۆ مەوجوودەن
هەرچی هەن عەبدەن، زاتت مەعبوودەن
پەی پەی واریدەن جە تۆ زوهوورات
ئەخز و عەتای ڕۆح ڕزق و واقیعات
کول موحتاج تۆن، تۆ غەنی جە عام
هەرچی هەن بە ئەمر تۆ داران قیام
بارکەشی سەمەک، مەحجووبیی دەریا
حیرقەت ناری و دەوندیی هەوا
پەردەداری عەرش، سوجدەی سەماوات
حەمد فریشتان، نەقش نەباتات
فرووش زەمین، قیام جیبال
زەمزەمەی زی ڕۆح جە نەقس و ئیکمال
هەر مەنشەء جە زات تۆ کەرۆن نەشئەت
جە سەوت و سەماع، جە عیلم و قووەت
جوملەگی ئیسبات «ذو الجلالیعربی» ی تۆن
هەرچی هەن گەواهـ بێ ئەمسالیی تۆن
تاجداران کول خاک زیلل سایەی تۆن
قووەی «قەستشان» نە کەف مایەی تۆن
خاسەی زات تۆن فاعیل موختار!
ئەر جەننەت بەخشی، ئەر جەحیم و نار
عیلم بێ ئیخلاس ئەر مەبی موقبەل
ئیبلیس جە دەرگات کەی مەبی «مضلعربی»
تەقوای بێ تەوفیق ئەر مەبی مەقدوور
«برصیصاعربی» و «بلعمعربی» نمەبین مەقهوور
ئەر مەبی مەیسەر بە دانش و ڕا
فەهم ئەفلاتوون کەی مەبی گوڕا
نە ئیجرای ئوموور زات «ذوالجلالعربی»
کوفرەن ئەر کەسێ بەیۆ بە سوئال
«فەقێتخلص» تۆ نە کۆهـ سەنای ئیلاهی
نەداری تاقەت بەرداری کاهێ
هەرگاهـ وەیتەورەن خامۆش کەر خەیاڵ
بناڵ لە دەرگای ئەو ساحێب جلال