جواب نامە به نزد سلطان
از کتاب:
کۆمەڵەی شیعری فەقێ قادری هەمەوەند
اثر:
فقی قادر هموند (1830-1890)
2 دقیقه
822 مشاهده
واتن بنویسە عەریزەی جەواب
بەو دەوڵەت پەناهـ نامەی پڕ ئەلقاب
وارید بی جە شا نامەی عەدڵ و داد
بە دەلالەی سوڵح ئێمەت کەرد گوشاد
پەی ئەتعیمەی عەیش جە سفرەی عوشرەت
بە مەوعیزەی لوتف ئێمەت کەرد دەعوەت
نویسابێت ئێمە کەرین ئیتاعەت
ناوەرین بە یاد فەردای قیامەت
هەرچەند ئەڵتافەن حەسەبەی زاهیر
باتین خوسرانیم جە عوقبای ئاخیر
نەقسەن پەرێ شەئن زومرەی سەلاتین
«عبدش مظل بو ویش بظالمینعربی»
هەر عەبد جە مەعبوود بی خیانەتکار
ئەعزاش کەمتەرەن جە «اشیاء الدارعربی»
بە قەول حەدیس نەبییی مەنسوور
لەعنەت کەردەن جەمع نازیر و مەنزوور
ئۆمێدەن جە باب ئەو ساحێب عودوول
ئیفادەی ئێمە بکەرۆ قوبووڵ
هەرچەندە میللەت بەعەیش ڕاغیبەن
بە ئەمتیعەی ڕیزق دنیا تالیبەن
چون جە عاریفان ئێدەن لەتیفە
دنیاشان تەشبیهـ کەردەن بە جیفە
تالیب جیفە کەرگەس و کەلبەن
هەرکەس مەیلش کەرد جە مەردی سەلبەن
ئەر شا بە عەرزەی ئێمە مەدۆ گۆش
سابیقەی ئەفکار کەرو فەرامۆش
عەییاشی دنیا نییەن پایەدار
عەییاشان باقین جە عوسرەت نار
وەزیر و سەردار وێت ئەر کەرد مەنفی
تەسکین مەدەی جەنگ هەردوو تەرەفی
بە ئەحکام شەرع حوکمت بۆ مەدام
نەسخ کەر قانوون سەفینەی نیزام
نەفس کامیلە کەردی وە پێشکار
ئازادی ئەو سات جە «یوم القرارعربی»
هەم ئێمە موتیع بە فەرمان شا
هەم سوڵتان ڕۆح مەیۆ بە عەتا
وەئیللا باقین جەنگ دلێران
جە ئەفکار وێت مەبیت پەشیمان
نە من ئیرادە و نە حەقیق مەجاز
نە ڕۆح بە زەمیر مەبۆ ئیمتیاز
نامە بی تەمام یاونان بە مۆر
ساعی ستانا بە ڕا کەرد عوبوور
نامەی سەر بە مۆر تەقدیم بی بە شا
ئەمرش کەرد وانان نامەی خوش ئینشا
سوڵتان جە مەفهووم نامە بی حەزین
جە خوفتان حەرەس خرۆشا بە کین
ئەو شەو شین نە خەو سوپا یەکبارە
سەحەر بێدار بی نەفس ئەممارە