cwab name bih nizd siltan
From the Book:
Komele Şîrî Feqê Qadirî Hemewend
By:
Faqe ghader hamawand (1830-1890)
2 minutes
823 views
watin binwîse ’erîzey cewab
bew dewłet penah namey piř elqab
warîd bî ce şa namey ’edił û dad
be delaley sułḧ êmet kerd guşad
pey et’îmey ’eyş ce sifrey ’uşret
be mew’îzey lutif êmet kerd de’wet
nwîsabêt ême kerîn îta’et
nawerîn be yad ferday qyamet
herçend ełtafen ḧesebey zahîr
batîn xusranîm ce ’uqbay axîr
neqsen perê şe’in zumrey selatîn
«’ibdiş mizil bu wîş bizalmînArabic»
her ’ebid ce me’bûd bî xyanetkar
e’zaş kemteren ce «aşya’ aldarArabic»
be qewl ḧedîs nebîyî mensûr
le’net kerden cem’ nazîr û menzûr
omêden ce bab ew saḧêb ’udûl
îfadey ême bikero qubûł
herçende mîllet be’eyş řaẍîben
be emtî’ey řîzq dinya talîben
çun ce ’arîfan êden letîfe
dinyaşan teşbîh kerden be cîfe
talîb cîfe kerges û kelben
herkes meyliş kerd ce merdî selben
er şa be ’erzey ême medo goş
sabîqey efkar keru feramoş
’eyyaşî dinya nîyen payedar
’eyyaşan baqîn ce ’usret nar
wezîr û serdar wêt er kerd menfî
teskîn medey ceng herdû terefî
be eḧkam şer’ ḧukimit bo medam
nesix ker qanûn sefîney nîzam
nefis kamîle kerdî we pêşkar
azadî ew sat ce «yum alqirarArabic»
hem ême mutî’ be ferman şa
hem sułtan řoḧ meyo be ’eta
we’îlla baqîn ceng dilêran
ce efkar wêt mebît peşîman
ne min îrade û ne ḧeqîq mecaz
ne řoḧ be zemîr mebo îmtyaz
name bî temam yawnan be mor
sa’î sitana be řa kerd ’ubûr
namey ser be mor teqdîm bî be şa
emirş kerd wanan namey xuş înşa
sułtan ce mefhûm name bî ḧezîn
ce xuftan ḧeres xiroşa be kîn
ew şew şîn ne xew supa yekbare
seḧer bêdar bî nefis emmare