name nuştin siltan amare be ’iqil û ’işq
From the Book:
Komele Şîrî Feqê Qadirî Hemewend
By:
Faqe ghader hamawand (1830-1890)
2 minutes
600 views
şah emmare fermaş be debîr
xîtab be serdar ḧeqîq û wezîr
çun min ce îqlîm şeşem sułtanim
mî’mar kunnidey cîsim cîhanim
îqlîm wicûd be min abaden
her e’za ce feyz min ser’azaden
bend qanûnim fexir dîwanen
menzûmey efkar ’edil zubanen
ne qeti’ e’za ne qetił û qîsas
mebaḧim kerden ce ’am «ḧiq alnasArabic»
min men’im kerden ce ser teylesan
nebo be manî’ dîdey bedbînan
bend ḧuřřîyet ce min guşaden
her e’za pey wêş «ḧisb almiradArabic» en
er êwe kerdin wenem îta’et
ewsa ce her ’eyş mekerdin ’uşret
ce qeza û qeder hîç nedarûn bak
ewsa dił ce gerd keder mekem pak!
teklîf ême ce ’eyş û «şe’ben»
tekalîf řoḧ ne cû’ û «se’ben»
key řewan be ḧukim şer’ bikeran kar
qeti’ yek e’za ne cay yek dînar
pey cennet ye’sen ce ’eyş dinya
kê ’eyş îmřoş bexşan be ferda
temam bî temhîr namey «xibseArabic»
daşan be casûs ye’nî weswese
casûs sitana namey şehryar
teqdîm kerd ce pêş wezîr û serdar
herkes namey wêş kerdin qîra’et
ḧałî bîn ce kar nefis mel’enet
ce bîm îxlal, sektey teşwîşî
be emir herdû ḧazir bî munşî