نامە نوشتن سلطان امارە بە عقل و عشق

لە کتێبی:
کۆمەڵەی شیعری فەقێ قادری هەمەوەند
بەرهەمی:
فەقێ قادری هەمەوەند (1830-1890)
 2 خولەک  565 بینین
شاهـ ئەممارە فەرماش بە دەبیر
خیتاب بە سەردار حەقیق و وەزیر
چون من جە ئیقلیم شەشەم سوڵتانم
میعمار کونندەی جیسم جیهانم
ئیقلیم وجوود بە من ئابادەن
هەر ئەعزا جە فەیز من سەرئازادەن
بەند قانوونم فەخر دیوانەن
مەنزوومەی ئەفکار عەدل زوبانەن
نە قەتع ئەعزا نە قەتڵ و قیساس
مەباحم کەردەن جە عام «حق الناسعەرەبی»
من مەنعم کەردەن جە سەر تەیلەسان
نەبۆ بە مانیع دیدەی بەدبینان
بەند حوڕڕییەت جە من گوشادەن
هەر ئەعزا پەی وێش «حسب المرادعەرەبی» ەن
ئەر ئێوە کەردن وەنەم ئیتاعەت
ئەوسا جە هەر عەیش مەکەردن عوشرەت
جە قەزا و قەدەر هیچ نەداروون باک
ئەوسا دڵ جە گەرد کەدەر مەکەم پاک!
تەکلیف ئێمە جە عەیش و «شەعبەن»
تەکالیف ڕۆح نە جووع و «سەعبەن»
کەی ڕەوان بە حوکم شەرع بکەران کار
قەتع یەک ئەعزا نە جای یەک دینار
پەی جەننەت یەئسەن جە عەیش دنیا
کێ عەیش ئیمڕۆش بەخشان بە فەردا
تەمام بی تەمهیر نامەی «خبثەعەرەبی»
داشان بە جاسووس یەعنی وەسوەسە
جاسووس ستانا نامەی شەهریار
تەقدیم کەرد جە پێش وەزیر و سەردار
هەرکەس نامەی وێش کەردن قیرائەت
حاڵی بین جە کار نەفس مەلعەنەت
جە بیم ئیخلال، سەکتەی تەشویشی
بە ئەمر هەردوو حازر بی مونشی