آگاهی سلطان امارە از اردوی عقل و عشق و طلب رای از وزیر
لە کتێبی:
کۆمەڵەی شیعری فەقێ قادری هەمەوەند
بەرهەمی:
فەقێ قادری هەمەوەند (1830-1890)
1 خولەک
757 بینین
ئاگاهـ بی جە کار ئەممارەی لەعین
جەعەقڵ وعەشقەن سوپای سەهمگین
دەردەم تەڵەب کەرد وەزیر ئەفکار
یەعنی عەزازیل مەردوود مردار
ڕەئیش تەڵەب کەرد جەو مەرد زەلووم
مەر چێشەن فکرت؟ وەنەم کەر مەعلووم
دڵ نە دوو سەردار ئیقلیم دوو نیمەن
هەردوو نە ئەفکار وێشان موقیمەن
جەواب دا وەنەش وەزیر ئەفکار
سوجدە بەرد نە ڕووی تەخت شەهریار
عەرز کەرد پادشام دڵ ماوەر بە تەنگ
تەقازای وەقتەن گا سوڵح و گا جەنگ
تا تاجت نە تەخت وجوود مەعموورەن
ئیقلیم وجوود بە تۆ مەسروورەن
ئەووەڵ بە ئاشتی بە عەقڵ کامیل
جە جامەی ئەلتاف وێت بکە تەکمیل
ئەگەر بە نێکی دوروست نەبی کار
ئەوسا بکەر ڕاست حەربەی کارزار