شکایت مؤلف از طایفه‌ی بنی امیە
از کتاب:
کۆمەڵەی شیعری فەقێ قادری هەمەوەند
اثر:
فقی قادر هموند (1830-1890)
2 دقیقه
504 مشاهده
جەودەمدا بەنی ئومەییەم کەرد یاد
هەی دام بەسەردا هەی کەردم فەریاد
ڕەسووڵی بەی تەور ساحێب عیززەت بۆ
عیززەتش هەردەم فەخر میللەت بۆ
کۆگای کەرەم بۆ ڕوتبەش ڕەفیع بۆ
پەی ئوممەت وێش هەردەم شەفیع بۆ
وەی تەور جەسارەت بێ ئەدەبیشان
بێدادی نە حەق ئال نەبیشان
حەیف نەبی کەردن پەی جیفەی دنیا
خەتای خانەدان خیتامەت پەنا؟
ناز کەن مادە مەکەر حیکایەت
جە ڕەمز حیکمەت مەکەر شیکایەت
«فەقێتخلص» یە وەعدەی قورب ویسالەن
وەسڵ ئەحمەد و شای «ذوالجلالعربی» ەن
تۆ خۆ مەزانی ئەحواڵت چوونەن؟!
پەی وەسڵ سەحرا دەروونت خوونەن
ئەر بەیۆ یەکێ تۆ کەرۆ ئازاد
چەند مەمنوون مەبی چەند مەبی دڵشاد
تۆ پەی وەسڵ یار فانی وەی تەوری
وەی تەور نە عەزاب مەعرەکە و جەوری
خاسە ئەو پەی وەسڵ زات قەدیمەن
قائیم و دائیم حەی و عەلیمەن
یەک ئانش لەززەت سەد ساڵەی جەننەت
بێ شک مەبەخشۆ بێ موزد و میننەت
سا دەی کۆتا کەر حیکایەی کەلام
ڕەوان بۆ نەبی «عليه السلامعربی»
یاڕەب بە میقدار دنیا و «ما فيهاعربی»
دروود بەر موحەممەد نەبییی هودا
سا چون موحەممەد ڕاهی بی نە فەرش
شی پەی ئەندەروون مەقامات عەرش
جەبەرووت چەنی ناسووت و لاهووت
پەردەی حیجابات هەم جای مەلەکووت
هەم عەرش و کورسی هەم لەوح و قەلەم
سەیر کەرد سەراسەر «صاحب العلمعربی»
گەنجینەی ئەسرار ڕەمز مەقامات
مەکشووف بی پەرێش پەردەی حیجابات
ئەوسا کەرد ویداع جە موقەڕڕەبان
ڕوو کەرد نە ڕەفڕەف پایەی نەردەبان
ڕاهی بی نەو جا «سيد الانامعربی»
شی پەی فەوق عەرش بێ سەبر و ئارام
هەوا سەند جە عەرش بە بێ واسیتە
خاریج بی جە خەت جیهات سیتتە
لابی جە مەکان مەکانش بی لا
پەی بێچوون جوستش نە چوون تەوەللا