şikayt mؤlif az tayfey binî amye
Li pirtûka:
Komele Şîrî Feqê Qadirî Hemewend
Berhema:
Feqê Qadrî Hemewend (1830-1890)
2 Xulek
519 Dîtin
cewdemda benî umeyyem kerd yad
hey dam beserda hey kerdim feryad
řesûłî bey tewr saḧêb ’îzzet bo
’îzzetiş herdem fexir mîllet bo
kogay kerem bo řutbeş řefî’ bo
pey ummet wêş herdem şefî’ bo
wey tewr cesaret bê edebîşan
bêdadî ne ḧeq al nebîşan
ḧeyf nebî kerdin pey cîfey dinya
xetay xanedan xîtamet pena?
naz ken made meker ḧîkayet
ce řemz ḧîkmet meker şîkayet
«feqêNasnava edebî» ye we’dey qurb wîsalen
wesił eḧmed û şay «zwalcilalErebî» en
to xo mezanî eḧwałit çûnen?!
pey wesił seḧra derûnit xûnen
er beyo yekê to kero azad
çend memnûn mebî çend mebî diłşad
to pey wesił yar fanî wey tewrî
wey tewr ne ’ezab me’reke û cewrî
xase ew pey wesił zat qedîmen
qa’îm û da’îm ḧey û ’elîmen
yek anş lezzet sed sałey cennet
bê şik mebexşo bê muzd û mînnet
sa dey kota ker ḧîkayey kelam
řewan bo nebî «’ilîh alsilamErebî»
yařeb be mîqdar dinya û «ma fîhaErebî»
dirûd ber muḧemmed nebîyî huda
sa çun muḧemmed řahî bî ne ferş
şî pey enderûn meqamat ’erş
ceberût çenî nasût û lahût
perdey ḧîcabat hem cay melekût
hem ’erş û kursî hem lewḧ û qelem
seyr kerd seraser «saḧb al’ilimErebî»
gencîney esrar řemz meqamat
mekşûf bî perêş perdey ḧîcabat
ewsa kerd wîda’ ce muqeřřeban
řû kerd ne řefřef payey nerdeban
řahî bî new ca «sîd alanamErebî»
şî pey fewq ’erş bê sebir û aram
hewa send ce ’erş be bê wasîte
xarîc bî ce xet cîhat sîtte
labî ce mekan mekanş bî la
pey bêçûn custiş ne çûn tewella