رسیدن روحانیت حضرت غوث آنجا به حضور حضرت رسالت پناهی علیە السلام
از کتاب:
کۆمەڵەی شیعری فەقێ قادری هەمەوەند
اثر:
فقی قادر هموند (1830-1890)
2 دقیقه
519 مشاهده
بە جانیب و سەر وێش کەردش نەزەر
شەخسێ دی بە چەم موجەللای ئەنوەر
نە جای تەعەججوب جە «أخيعربی» پەرسا
یە ڕۆح کامین نەبییەن نەی جا؟!
وات: «يا سيدی!عربی» هەم جە نەسڵ تۆن
نەتیجەی حەسەن سیفاتش بێشۆن
بە «عبدالقادرعربی» مەنشوورەن نامش
«غوث الاعظمعربی» ەن پایە و مەقامش
جە تەئریخ «عشقعربی» مەیۆ بە دنیا
دین موبینت مەکەرۆ ئیحیا
فرسەتش زانان تەنهاییت نەی جا
بە ئەدای خزمەت تەحسیل کۆ ڕەزا
بۆسا جەبینش وات: «يا ولديعربی»
دۆش دەر بە قەدەم نوور سەرمەدی
خەم کەرد قامەتش پەی شاهـ سەتوەت
وێش کەرد بە مەحمەل کۆگای نبووەت
دەرلاد جە پایەی ڕەفڕەف بی ڕەوان
هەم موقەڕڕەبان چەنیش بە دەوان
خیتاب کەرد بە غەوس سالار کەونەین
فەرماش: ئەی فرزەند «غوث الثقلينعربی» !
دۆشت بی مەحمەل قەدەم نەبی
قەدەمت شامیل دۆش هەر وەلی
هەر وەلی قەدەم یەک نەبی دارۆ
تۆ هەم جە قەدەم من سەبتی ئارۆ
وەقتێ تەوەللود «عبدالقادرعربی» بی
جای قەدەم نە دۆش ڕاستش زاهیر بی
جە لای بەعزێ حین ڕکووب بوراق
مەسئەلەی نەبی و غەوس بی ئیتتیفاق