در بیان چگونگی باندرون رفتن جبرئیل و بیدار شدن سرور کائنات در خواب
از کتاب:
کۆمەڵەی شیعری فەقێ قادری هەمەوەند
اثر:
فقی قادر هموند (1830-1890)
3 دقیقه
753 مشاهده
شی پەی ئەندەروون جوبریل ئەمین
دیش کە ها نە خەو «ختم المرسلينعربی»
ماڵا دەست و پاش بە حوجب و ئەدەب
بێدار بی جە خاو هاشمی نەسەب
بە شەرت تەعزیم سەلام و سەنا
عەرز کەرد نە حوزوور نبووەت پەنا:
زات «ذوالجلالعربی» ئینتزارتەن
پەرێ لامەکان تەلەبکارتەن
ئەلبیسەی جەننەت هەم ئایەی ئیسرا
تەقدیم بی جە پێش «سيد البشریعربی»
هەم نە حوزوورش یەک تەشت جە زەڕ
ئیبریق جەوهەری، مەملوو جە کەوسەر
جە بەعزی ڕاوی وەی تەورەن خەبەر
هەم شەق سەدرش ئەو شەو بی مەگەر
بە میزان عەقڵ چون پەی حوزوورەن
تەجدیدش ئەو شەو خەیلێ زەروورەن
سا چون موحەممەد «عليه السلاةعربی»
جیسمش تەتهیر بی تەهوور کەرد حەیات
هەم غەسڵ هەم وزوو هەم بی مولەببەس
هەم نە سوجدەی شوکر قەدیم ئەقدەس
هەم عەشق نەسیحەت هەم ئەشئەی ویسال
هەم وەجد و هەم سوکر هەم زەوق و هەم حاڵ
هەم سروور ڕۆح هەم تاهیریی تەن
هەم شەعشەعەی شەوق هەم قەلب ڕەوشەن
جەبین وە حوججەت «أولو العزمعربی» ەوە
دەماغ بە عوشرەت بادەی بەزمەوە
باهوو بە نوسخەی عەدوو بەندەوە
قامەت وە خەرقەی مەرد ئەفگەندەوە
جەماڵ وە جیلوەی جان ستانەوە
کەف وە جورعەی جام دوو جیهانەوە
گێسووی میشکینش نە گەردەن چین چین
چین ئەو بی چین بەری کەرد جە دین
عەینەین شەهلاش مەستیش مەدامەن
نەزەرش ئیکسیر زومرەی ئیسلامەن
قەوس حاجیبەین سەیف خوونڕێزەن
موژە ڕشتەی خوون شاهـ پەروێزەن
ڕمووز زەمین «سماوات العرشعربی»
جە لەوحەی زەمیر مونیرش بی نەقش
حوسن موستەفا جە حوسن یووسف
ئەملەحتر جە لای ئەهل تەسەووف
پەی حوسن یووسف ئێد بی ئیفتیخار
زەنان میسری پەیش بین خڕیدار!
ئەر یووسف مەحبووب سینف بەشەرەن
موحەممەد حەبیب حەیی داوەرەن
یووسف جازیبەی حوسنش زێبا بی
موحەممەد حوسنش موعجیز نوما بی
موعجیزەی جەمال «سيد الانامعربی»
ئێد بی ئەر هەرکەس جە ئەهل ئیسلام
هەرکە کەرد بە نوور جەمالش نەزەر
ئازاد بی جە نار شەرارەی سەقەر
شوعلەی جەمالش جە نەزدیک و دوور
هەم ڕۆ گڕان بی هەم شەو دەیجوور
مەروین جە حەزەرەت عایشەی حەمرا
شەو دەرزیم گوم کەرد بێ نوور چرا
جە قاپیی جەمال نەبی دا ئەسەر
بە شوعلەش دەرزیم ئاوەرد بە نەزەر
«فەقێتخلص» ئەوسافش نمەبۆ تەمام
بەر موحەممەد بۆ سەلات و سەلام
یاڕەببی بە وەزن سەلج کۆساران
میقدار تگرگ قەتەرات باران
بە میزان نوور عیلمت جە قودرەت
دروود بەر موحەممەد نەبییی ڕەحمەت