در بیان چگونگی تفاوت بین حضور انبیا و اولیا
از کتاب:
کۆمەڵەی شیعری فەقێ قادری هەمەوەند
اثر:
فقی قادر هموند (1830-1890)
2 دقیقه
488 مشاهده
نوقتێ هەن ئینجا بکەروو بەیان
تا کە مەعلووم بۆ پەرێ سامیعان:
وەسڵ ئەنبیا هەم جیسم و جانەن
پەرێ ئەولیا جان و جانانەن
مەراتیب دارۆ جیسمی وەسڵ یار
خەلیل کەوکەب دی، مووسا شوعلەی نار
نەبی نە حوزوور نمەبان موختەل
سابتەن جە حاڵ ئەحواڵ ئەووەل
ئەمما ئەولیا جە حین حوزوور
سەر مەدۆ لێشان، موختەللیی شوعوور
وەلی بە نیسبەی ئێمە تەمامەن
بە نیسبەی نەبی ناقیس و خامەن
هەم پەی ئەولیا فەرقەن بەی حیساب
بەعزێ بێداری بەعزێشان جە خواب
بەعزێ ئەولیا جە حەدد ئیکمال
هەم با حەق داران جەواب و سوئال
غەوس و بایەزید هەم «ابن العربعربی»
شەمس و مەولای ڕۆم جە قورب مەتڵەب
جە وەقت حاسڵ تەجەللای جەلال
دەر مەبین موختەل هەم مامان بە حاڵ
هەرچەند جە مەستیی تەجەللای لیقا
مەکەردن ئیزهار جە حین فەنا..
چونکە نۆشابێن غایەی ویلایەت
لەفز «انا الحقعربی» نەکەردن عادەت
بێچارە «مەنسوورشخص» بێ پەردەی حیجاب
لەفز «انا الحقعربی» بە حەق کەرد خیتاب
پایەش ناقیس بی ئەو وەلیی مەغفوور
نەتاوا ئەسرار حەق کەرۆ مەستوور
جە حەق بی مەنسوور کەردش «انا الحقعربی»
هەم حەق بی جەزاش بە دار بی مولحەق
نازکەن «فەقێتخلص» ماددە کەر خامۆش
تۆ هێمان خامی دڵ ماوەر بە جۆش
دەریای عیلم حەق کەس نەبەردەن پەی
تەحقیق ماددە پەی کەس نەبۆ تەی
هەرکەس عاقڵەن جە سەر دارۆ هۆش
بە شەرع غەڕڕای نەبی بدۆ گۆش
ئەر جان جەناح گرد جە خۆف و ڕجا
مومکینەن پەی حەق تەریق هودا
بەر نوور جەمال «ختم المرسلينعربی»
ڕەوان کۆ دروود بە سیدق و یەقین
یاڕەب بە قەدەر هەر دەرد و دەوا
بەر موحەممەد بۆ سەلام و سەنا