dir byan çigungî tifawit bîn ḧizur anbya û awlya
From the Book:
Komele Şîrî Feqê Qadirî Hemewend
By:
Faqe ghader hamawand (1830-1890)
2 minutes
701 views
nuqtê hen înca bikerû beyan
ta ke me’lûm bo perê samî’an:
wesił enbya hem cîsim û canen
perê ewlya can û cananen
meratîb daro cîsmî wesił yar
xelîl kewkeb dî, mûsa şu’ley nar
nebî ne ḧuzûr nimeban muxtel
sabten ce ḧał eḧwał ewwel
emma ewlya ce ḧîn ḧuzûr
ser medo lêşan, muxtellîy şu’ûr
welî be nîsbey ême temamen
be nîsbey nebî naqîs û xamen
hem pey ewlya ferqen bey ḧîsab
be’zê bêdarî be’zêşan ce xwab
be’zê ewlya ce ḧedid îkmal
hem ba ḧeq daran cewab û su’al
ẍews û bayezîd hem «abin al’irbArabic»
şems û mewlay řom ce qurb metłeb
ce weqit ḧasił tecellay celal
der mebîn muxtel hem maman be ḧał
herçend ce mestîy tecellay lîqa
mekerdin îzhar ce ḧîn fena..
çunke noşabên ẍayey wîlayet
lefiz «ana aliḧqArabic» nekerdin ’adet
bêçare «mensûrPerson» bê perdey ḧîcab
lefiz «ana aliḧqArabic» be ḧeq kerd xîtab
payeş naqîs bî ew welîy meẍfûr
netawa esrar ḧeq kero mestûr
ce ḧeq bî mensûr kerdiş «ana aliḧqArabic»
hem ḧeq bî cezaş be dar bî mulḧeq
nazken «feqêPen name» madde ker xamoş
to hêman xamî dił mawer be coş
deryay ’îlim ḧeq kes neberden pey
teḧqîq madde pey kes nebo tey
herkes ’aqłen ce ser daro hoş
be şer’ ẍeřřay nebî bido goş
er can cenaḧ gird ce xof û řica
mumkînen pey ḧeq terîq huda
ber nûr cemal «xitim almirsilînArabic»
řewan ko dirûd be sîdiq û yeqîn
yařeb be qeder her derd û dewa
ber muḧemmed bo selam û sena