در جناب معراج نبی ﷺ
از کتاب:
کۆمەڵەی شیعری فەقێ قادری هەمەوەند
اثر:
فقی قادر هموند (1830-1890)
3 دقیقه
774 مشاهده
جە قاف قەزا واقیعەی قەدەر
ئیرادەی ئوموور «ألستعربی» کرد ئەسەر
دەریای ڕەئووفیی سوڵتان ئەزەل
جۆش ئاوەرد نە شەهر «ربيع الاولعربی»
ئەکسەر نە میعراج «سيد البشرعربی»
نە بیست و هەفتم ڕەجەب دان خەبەر
جە شەو ئیسنەین شەشش ماندە بی
عالەم گشت جە خاو ئارامەندە بی
جە دەرگای قودرەت «اللهعربی» جەلیل
ئیلهام نزووڵ کەرد پەرێ جوبرەئیل
موسەیقل بۆ عەرش کورسی و مەقامات
موزەییەن بۆ فەرش سەبعەی سەماوات
جەلا دەن ختووت لەوح جە زهوورات
ڕمووز قەلەم، مەعنا، ئیشارات
شوعلەی ماهـ و خۆر مەست زیا بۆ
زومرەی کەواکیب مەشعەل نوما بۆ
زینەت ئەفزا بان جەننات و قسوور
ڕەونەق نوما بان غیلمان چەنی حوور
فیردەوس نەعیم ئەعلا عیللییین
ڕەنگین کەن چەمەن بە خەیمەی نوورین
قەسر و خەیمەگاهـ فەرششان نوور بۆ
خاکش زەعفەران میسک و کافوور بۆ
جاری پەی هەر حەوز نەهر کەوسەر بۆ
دائیرەی حەوزان جە کورسیی زەڕ بۆ
سەفا دەن شەجەر تووبا نە سەد تار
ئەنواع سەمەر وەنەش بۆ ئیزهار
نەهر سەلسەبیل شیر و ئەنگەبین
جاری نە جەننات فیردەوس بەرین
کورسی موجەوهەر حایت بلووری
فوارەی حەوزان هەوا کافووری
نە ڕووی مێرغوزرا ناڵەی مورغزار
با خامۆش نەبۆ تا «يوم القرارعربی»
زومرەی فریشتان نە سەما سەف سەف
هەر یەک تەشت نوور بگێران نە کەف
زەمهەریر و نار دۆزەخ بە تەعجیل
هەم موعتەدیل بان چون نار خەلیل
هەم سەحرای مەحشەر حیساب و میزان
هەم نار و سیرات موهەییای مەکان
لەرزا جە هەیبەت جوبریل ئەمین
عەرز کەرد: ئیلاهی قەوی و مەتین!
مەر قەسدت ئێدەن دنیا کەی خەراب
یا عەدل مەحشەر ئاری بە حیساب
یا دنیای هەنی جە نەو ئیجاد کەی
یا عالەم جە قەید کەدەر ئازاد کەی
هاتیف بی نزوول پەرێ جوبرەئیل
جوبرەئیل جە سەوت هاتیف بی زەلیل
جە بەتحای مەککە «كاشف الكربعربی»
«خليل الرحمانعربی» مەکەرۆن تەڵەب
جەوساوە بەستەی خاک زەعیفەن
مەحرووم جە ڕوئیەت زات لەتیفەن
سالار کەونەین «ختم المرسلينعربی»
مەکەرووش دەعوەت پەی «عين اليقينعربی»
دەمێوەن پەی وەسڵ دارۆ ئیشتیاق
شادش مەکەروون بە تەکلیف شاق
جوملەی ئەنبیا و ڕەسوول جە ئەقسا
تا «طاهرعربی» مەیۆ حازر بان نەو جا
ئیستە ها موتیع حەیی ڕەببانی
دیدەش جە خاوەن جە «ام هانیعربی»
ئەر دیدەش جە خەو قەلبش بێدارەن
ڕۆحش پەرێ وەحی جە ئینتیزارەن
بکەر بێدارش بە عیزز و تەعزیم
خەلعەتی ئیسرا وەنەش کەر تەفهیم
قەلب و قاڵبش بە کەوسەر بشوو
هەم غەسل جەسەد هەم ئاب وزوو
نە حوللەی جەننەت تاج عیشق و شەوق
سەیف تەوەککول کەمەربەند زەوق
عەمامەی ڕەزا نەعلەین تەسلیم
خەرقەی ئیفتیخار قەبای شوکر و بیم
حەمائیل حیلم عەسای قەناعەت
سیبحەی سەبووری جامەی ڕیازەت
پۆشش بۆ پەرێی یاسین و تاها
لیوای حەمدی حەق پەرێش کەن وە پا
تەئکید بی فەرمان شەهەنشای عەزیم
باوەران حەبیب بە عیزز و تەعزیم
نە فیردەوس بوراق موکەممەل بە زین
ببەر پەی ڕکووب «سيد المتينعربی»