dir cinab mi’rac nibî ﷺ
Li pirtûka:
Komele Şîrî Feqê Qadirî Hemewend
Berhema:
Feqê Qadrî Hemewend (1830-1890)
3 Xulek
558 Dîtin
ce qaf qeza waqî’ey qeder
îradey umûr «elistErebî» kird eser
deryay ře’ûfîy sułtan ezel
coş awerd ne şehir «ribî’ alawilErebî»
ekser ne mî’rac «sîd albişirErebî»
ne bîst û heftim řeceb dan xeber
ce şew îsneyn şeşiş mande bî
’alem gişt ce xaw aramende bî
ce dergay qudret «alilhErebî» celîl
îlham nizûł kerd perê cubre’îl
museyqil bo ’erş kursî û meqamat
muzeyyen bo ferş seb’ey semawat
cela den xitût lewḧ ce zihûrat
řimûz qelem, me’na, îşarat
şu’ley mah û xor mest zya bo
zumrey kewakîb meş’el numa bo
zînet efza ban cennat û qisûr
řewneq numa ban ẍîlman çenî ḧûr
fîrdews ne’îm e’la ’îllîyîn
řengîn ken çemen be xeymey nûrîn
qesir û xeymegah ferşişan nûr bo
xakiş ze’feran mîsk û kafûr bo
carî pey her ḧewz nehir kewser bo
da’îrey ḧewzan ce kursîy zeř bo
sefa den şecer tûba ne sed tar
enwa’ semer weneş bo îzhar
nehir selsebîl şîr û engebîn
carî ne cennat fîrdews berîn
kursî mucewher ḧayt bilûrî
fwarey ḧewzan hewa kafûrî
ne řûy mêrẍuzra nałey murẍizar
ba xamoş nebo ta «yum alqirarErebî»
zumrey firîştan ne sema sef sef
her yek teşt nûr bigêran ne kef
zemherîr û nar dozex be te’cîl
hem mu’tedîl ban çun nar xelîl
hem seḧray meḧşer ḧîsab û mîzan
hem nar û sîrat muheyyay mekan
lerza ce heybet cubrîl emîn
’erz kerd: îlahî qewî û metîn!
mer qesdit êden dinya key xerab
ya ’edil meḧşer arî be ḧîsab
ya dinyay henî ce new îcad key
ya ’alem ce qeyd keder azad key
hatîf bî nizûl perê cubre’îl
cubre’îl ce sewt hatîf bî zelîl
ce betḧay mekke «kaşif alkirbErebî»
«xilîl alirḧimanErebî» mekeron tełeb
cewsawe bestey xak ze’îfen
meḧrûm ce řu’yet zat letîfen
salar kewneyn «xitim almirsilînErebî»
mekerûş de’wet pey «’în alîqînErebî»
demêwen pey wesił daro îştyaq
şadiş mekerûn be teklîf şaq
cumley enbya û řesûl ce eqsa
ta «tahirErebî» meyo ḧazir ban new ca
îste ha mutî’ ḧeyî řebbanî
dîdeş ce xawen ce «am hanîErebî»
er dîdeş ce xew qelbiş bêdaren
řoḧiş perê weḧî ce întîzaren
biker bêdarş be ’îziz û te’zîm
xel’etî îsra weneş ker tefhîm
qelb û qałbiş be kewser bişû
hem ẍesil cesed hem ab wizû
ne ḧulley cennet tac ’îşq û şewq
seyf tewekkul kemerbend zewq
’emamey řeza ne’leyn teslîm
xerqey îftîxar qebay şukir û bîm
ḧema’îl ḧîlim ’esay qena’et
sîbḧey sebûrî camey řyazet
poşiş bo perêy yasîn û taha
lîway ḧemdî ḧeq perêş ken we pa
te’kîd bî ferman şehenşay ’ezîm
baweran ḧebîb be ’îziz û te’zîm
ne fîrdews buraq mukemmel be zîn
biber pey řikûb «sîd alimtînErebî»