munacat
Li pirtûka:
Komele Şîrî Feqê Qadirî Hemewend
Berhema:
Feqê Qadrî Hemewend (1830-1890)
4 Xulek
1115 Dîtin
be ’îzzetî wêt ḧeyî tewanger
be ḧurmetî nûr «sîd albişirErebî»
řeḧmê ker be ḧał ey bendey ’îsyan
gunam bêḧedden, xetam bê payan
hem şermendey lutif hem řûsyahim
hem çun mûr ne gêj deryay gunahim
herçend gunahim bêḧedden bêşû
çunke emirit hen be «latqintiwaErebî»
bew lutif ’ame umêdewarim
’efûm nyazen sed şermesarim
ne mechûlîy bext ẍirûrîy şebab
firawan kerdim kirdey nasewab
êste ten ce dest pîrî zelîlen
e’zam ce quwey sebeq te’tîlen
xemen tîr qed ce qews sitem
ha pey qapîy mewt ḧazirim herdem
sikey mîsk asam îste kafûren
çîhrey bedir asam syay ḧizûren
ce kesîrîy sînin sinûn qelîlen
goşim neşnewa, ’eynim ’elîlen
nîsyanim bêḧed, taqetim taqen
efkarim ne qesd «yum alfiraqErebî» en
mutałe’em kerd ce namey e’mał
sifir bî nêkîm ce ewweł ta ḧał
seyî’e bêḧed sebit bî ce defter
lerzam ce heybet zelzeley meḧşer
tey kerdim îqlîm be tundîy xeyał
nedîm cay pena ẍeyr ce «zwalcilalErebî»
her toy firyadřes, her toy řehnuma
her to ẍefûrî ce bexşay guna
be ḧurmet nûr «sîd alanamErebî»
be cuhd û koşiş seḧabey kîram
be şerafet nûr zumrey enbya
be parsayî û zuhd ehil ewlya
be teqwa û ta’et cumley ’arfan
be etqyay dîn kul musennîfan
be ’ulemay şer’ gişt muctehîdan
be xûnab germ zumrey şehîdan
be ah o nałey pîran zelîl
be dermandegan ne řa bêdelîl
be nefrîn sext mezłûman zar
be ḧîlim û taqet sabîran kar
be zayłey şîn tîflan yetîm
be yedî sexa bexşay zeř û sîm
be ab esrîn şew zîndedaran
be du’ay xufyey ta’et guzaran
be dîdey nimnak ẍerîb dyar
be mezlûmîy wêm ney bend dîşwar
’efûm ker be lutif ḧekîm ḧazîq
henî tewbe bo ce kirdey sabîq
be eltaf wêt şehenşay ’ezîm
ser azadim ker ce nar ceḧîm
ne zumrey ummet ummîyî muxtar
meḧsûbim kerî ce «yum alşimarErebî»
hem bider tewfîq ne pird sîrat
hem ney bend sext ’etaker necat
hem muweffeq bam min cey hengame
ney tenzîm nezim ney mî’racname
herçend bêḧedden syer nebî
hem be farsî hem be ’erebî
cahîlan kurd bêḧedid û ḧîsab
nimeken tefhîm farsî kîtab
her êd mezanan «sîd alanamErebî»
nebîyen řesûł perê xas û ’am
we ḧeyfim zana zumrey cahîlan
qedir nebîşan temam nezanan
kêşanim tesdî’ perê hamdeman
kerdim terceme be lefiz goran
umêdim êden ce lay samî’an
pey ’efûy gunam du’ay xêr keran
hem du’ay necat ney bend û ’ezab
hem řewan keran «fatiḧ alkitabErebî»
hem xurdebînî neyo ce myan
eger zyad bî ce ferd ya nuqsan
çun pa ne zincîr dił ne keder bîm
meḧbûs û me’yûs sînf beşer bîm
ẍeyr ce zat ḧeq nedîm cay pena
ha mî’racnamey nebîm kerd înşa
şayed řeḧmî ko «ḧibîb alirḧimanErebî»
bido necatim ney bend û zîndan
pey êd «feqêNasnava edebî» dił ce kûrey naren
çemeřay řeḧmet ḧey dadaren
«feqêNasnava edebî» madey to nedaro payan
dirûd ber muḧemmed nebîyî mennan
pey maddey mî’rac bibeste kemer
ta şafî’it bo şefî’ ekber
yařeb! be mîzan enwar sîfat
ber muḧemmed bo selam û selat