در بیان خواص استعاذه
از کتاب:
کۆمەڵەی شیعری فەقێ قادری هەمەوەند
اثر:
فقی قادر هموند (1830-1890)
2 دقیقه
775 مشاهده
کاکە ئەحمەدی شێخ ئەو قوتب جیهان
تەبلیغش کەردەن بە موعتەقیدان
پەی تەسهیل حەل عوقدەی موشکیلات
دە ئیستیعازە جە دە موهلیکات
بە موریدان وێش وەی تەور کەردەن عەرز
ئەورادتان بۆ جە دمای هەر فەرز
استعاذه به ذات اقدس الهی
پەناهم بە تۆن «الله اكبرعربی»
حیفزم کەر نە شەڕ هەر قەزا و قەدەر
پەناهم بە تۆن حەیی ڕەببانی
حیفزم کەر نە شەڕ نەفس شەیتانی
پەناهم بە تۆن «ربّ العالمينعربی»
حیفزم کەر نە شەڕ زولم سەلاتین
پەنام دەر بە لوتف «علیّ الاعلیعربی»
حیفزم کەر نە شەڕ هەر دەرد و بەڵا
پەنام دەر بە لوتف عەزیم سوبحان
حیفزم کەر نە شەڕ بەستەی هەر بوهتان
پەنام دەر بە لوتف زات بێچوونی
حیفزم کەر نە شەڕ فەقر و مەدیوونی
پەنام دەر بە لوتف زات «ذو الجلال»عربی
حیفزم کەر نە شەڕ سەدەمەی دەججال
پەنام دەر بە لوتف بێ ئەمساڵ فەرد
مەحفووز کەر ئەعزام نە هەر وەجع و دەرد
یاڕەبی چون فەزڵ تۆم کەردەن پەنا
حیفزم کەر نە شەڕ «جميع الأعداءعربی»
پەنام دەر بە لوتف مونعیم! وە ڕەحمەت
حیفزم کەر نە شەڕ فیتنەی هەر زیللەت
ها، ئیستیعازەی «فەقێتخلص» بی تەمام
بەر موحەممەد بۆ سەلات و سەلام