شۆڕشی زەوی

ئەی خەڵکینە...
دۆڵ و چیا و دەشت و زەوی
هی کەسێکە بۆی ناخەوی
هی کەسێکە خۆی دەی چێنێ
لە پێناویا ماندوو دەبێ، بەرهەم دێنێمن جوتیارم... لەسەر کێوی بڕوای بەتین
خۆم داوێمە باوەشی ژین
بەزبارەی، بیری جوتیاری جحێڵم
زەوی و خاکی باپیرانم، ورد دەکێڵم.
*
منی جوتیار
کرێکاری برای گەورەم... ئاگای لێمە
ئامێرم بۆ دروست دەکا
بۆ کێڵان و دروێنەوەی سوودی ئێمە
جەرگی سروشت بست بست دەکا
*
منی جوتیار...
ڕەنجی ئەو نمە ئارەقەی بۆ خۆم نەبوو
ئەمڕۆ دەیکەم، بە جۆگە بۆ کفنی مردوو
کفنی مردووی دەرەبەگ و پاشای دوێنێ
ڕەگ و جەستە توڵخاوەکەی لە گشت شوێنێ
بە دەستاڕی دەستی مێژوو دەهەنجنم
لە جێی ئەوا، لێی دەڕوێنم، تۆوی گەنم