şořşî zewî

ey xełkîne...
doł û çya û deşt û zewî
hî kesêke boy naxewî
hî kesêke xoy dey çênê
le pênawya mandû debê, berhem dênêmin cutyarim... leser kêwî biřway betîn
xom dawême baweşî jîn
bezbarey, bîrî cutyarî ciḧêłim
zewî û xakî bapîranim, wird dekêłim.
*
minî cutyar
kirêkarî biray gewrem... agay lême
amêrim bo dirust deka
bo kêłan û dirwênewey sûdî ême
cergî siruşt bist bist deka
*
minî cutyar...
řencî ew nime areqey bo xom nebû
emřo deykem, be coge bo kifnî mirdû
kifnî mirdûy derebeg û paşay dwênê
řeg û ceste tułxawekey le gişt şwênê
be destařî destî mêjû dehencinim
le cêy ewa, lêy deřwênim, towî genim