شین بۆ ئاوات
از کتاب:
شاری دڵ
اثر:
نافیع عەلایی
4 دقیقه
1018 مشاهده
بەرەو وەرزی خەزانە و هەوری ماتەم
ڕژانی دەم بەدەم بەفری تەم و خەم
زڕەی خستە جیهان، زەنگێکی ناخۆش
هەزاران عاشقی بەستە سیاپۆش
پەپوولەی شەمعی شێعری خۆشی کوردی
درێغا خاکی ڕەش ئەستاندی، بردی
دە بولبول شیوەنت لابە لە سەر چڵ
بەرەو گڵ بی، بەرەو گڵ بی، بەرەو گڵ
لەگەڵ ئێمە دە هەڵکە ئاهـ و ناڵە
بە شیوەن زوو بە تۆش، زوو بێرە گاڵە
ئەدا کوڵ مەنجەڵی دڵ بۆ پەڕی گوڵ
لە ژێریدا وەجاخە، سکڵە یا کڵ؟
ئەسەف بۆ باخەوانێکی بەئەزموون
ئەسەف بۆ بابی نوکتە و شێعر و مەزموون
ئەمن ئیمڕۆکە شینم سوورە، گەش گەش
لە چاوم دادەبارێ قەترە بێ غەش
ئەگەر بێن گوێ بدەن بۆ ئاهـ و ناڵەم
نە سەنتوورە، نە نەی سازی سکاڵەم
لەگەڵ مندا دەگریێ چەرخی گەردوون
لە گریانە ئەگەر بەرزە، ئەگەر دوون
گوڵێ ئێمەی ببین پێ مەست و سەرخۆش
مەگەر سەرپۆش ببین، بیکەین فەرامۆش
بەرۆکت بدڕە هەی گوڵ، خۆ بنێ گڵ!
وەکوو خونچە ببە پڕخوێن و خوڕ، دڵ!
چەمەن لاکوڵمی ڕووشاوە، بزانە
کە جێی نینۆکی پڕژانی خەزانە
کە بیستم مەرگی چیمەن، کەوتمە ناڵین
گەییبوو، ئێمە هەروا کرچ و کاڵین
پسا بەندی دڵی هۆنەر، هەواڵە
وەکوو خۆراکی ژارە، تورت و تاڵە
نەسیم! دەستت بنێرە چۆک و ئەژنۆت
بە دەمیا دە ئەگەر گوڵ پێکەنی بۆت
فەلەک! ڕەشپۆشە، پڕ شین و خورۆشە
کورەی خورشیدە وەک دڵ من لەجۆشە
لە خەرمانان بەجێ ما غەم بە خەرمان
بە مەرگی «کامیلتخلص»ی ئایین و ئیمان
ئەسەف تۆ بیری بەرزت بردە ژێر خاک
منی غەمباری سینە و دڵ لەت و چاک
بە شێعری نزمی خۆم شینت دەگێڕم
هەموو ناڕێکە ڕستە و بەند و دێڕم
دەڵێم بگریم بە هاوار و بڕێژم
بە دەریا خوێنی دڵ، خۆی لێ بنێژم
خودایا بەزمی گوڵشەن بۆ خەمۆشە!
چییە ساقی! دەروونت وا لەجۆشە؟
ئەرێ موتریب! مەگەر دەستت شکاوە؟
کە سازی بەزم و شادیت نایە لاوە
ئەوێستێ کۆڕی ماتەم وا لە گۆڕێ
دیارە دەنگی سازی مەش دەگۆڕێ
تەواوی ڕەگ ڕەگی جەستەم بە ئەستەم
دەسی لێ دەی دەگێڕێ شینی ماتەم
لە داخی هەڵوەرینی گوڵ لەجۆشم
وەکوو بولبول لە ناڵین و خرۆشم
شەرارەی غەم دەکا ئەنجن دڵی من
دڵم دەریایەکە پڕخوێن و بێ بن
تەنی خاکی نە جێگەی ڕۆحی تۆ بوو
بەرەو بەرزی، بەرەو ئاسۆ دەچوو، چوو
درێغ ئەی دڵ! لە بن گڵدایە ئاوات
بە مەرگی شاهی شادی بوو کش و مات
شێعر ڕەش پۆشە، یەکسەر بەحری شینە
غەزەل شێواوە، دڵناخۆشی ژینە
لە تاوا قافیە خۆی کرد بە دارا
ڕەدیف ئێستاکە بێ نەزمە و مودارا
لەف و نەشری موڕەتتەب بوو موشەووەش
کە بیستی ئیستیعارە، کردی زوو غەش
جیناس ئەجناسی خۆی گشت دا بە تاڵان
ئەدی خۆ ناکرێتۆ بۆی بە ساڵان
«وەفاییشخص» هاتە پێشواز، کەوتە ڕێگە
کە «نالیشخص» بیستی، ناڵی دەسبەجێگە
ئەڵێ «هێمنشخص» بە «مەحویشخص»: کاکە! وا هات
چرای ڕووناکی کۆڕی ئێمە، «ئاواتشخص»
بە «تاهیربەگشخص» دەڵێ «ناریشخص»: هەڵێنە
سەرت، دەی دەی، دە پەی پەی مەی بهێنە
کە بیستی «مەولەویشخص» تەبعی خورۆشی
لە مەیخانەی غەیب، جامێکی نۆشی
کە «حاجی قادری کۆییشخص» بە بەستە
دەکا خێرهاتنی ئەو پیرە خەستە
دەڵێ «قانیعشخص»: قەناعەت بەسیە ئیدی
لە تەنیایی بەدەر بێ، بەسیە چی دی
بە کوردی کاکی «کوردیشخص» دێتە ئاواز
«حەریقشخص» و «سالمشخص»ن پێشەنگی ڕێباز
دەڵێن خۆش هاتە نێو ئەم بەزمی ئێمە
لەبۆ ئەنگوشتەری ئێمە نقێمە
ئەرێ ئیلهامی شێعری تەڕ بە مەولا!
لە تۆ شێواوە جێگەژوان لەمەولا
کە وەک «کامیل» گلاوە تاکەسوارێ
لە خامەی کێوە تک تک دێتە خوارێ
غەمێکت «نافیعاتخلص» وت لە هەزاران
ئەوی دیکەی بڵێ بۆ غەمگوساران