دەردی گران
از کتاب:
شاری دڵ
اثر:
سید کامل امامی (1903-1989)
2 دقیقه
628 مشاهده
مەیگێڕ بگەیە دەردم گرانە
سەرم شێواوە دڵم پڕژانە
مەیگێڕ دەزانی چەند ماڵ وێرانم
دەروون پڕ خەم و جگەر بریانم
بە مەی تۆ نەبێ عیلاجی نایە
ئەو ژانەی ئەمڕۆ لە جەرگمدایە
ساقیا! نوقمی دەریای مەینەتم
مەرگی «ئیمامی» بڕی تاقەتم
سەبر و ئارام و هێزم لێ بڕا
جەرگم لە دووری «ئیمامی» بڕا
ئەسرین لە چاوم ڕژا وەک باران
ماتەمم گێڕا لە کۆڕی یاران
کاتێ «سەیادەتشخصسەید قادر سەیادەت» هەواڵی پێدام
«کامیل» بە مەرگت بۆ مەرگت گریام
فرمێسکی چاوم بەخوڕ هاتە خوار
لە کۆڕی شەوی شێعری «پیرانشارمکان»
ڕاستە نەمدیبووی، بەڵام یارم بووی
مەرهەمی دڵی بریندارم بووی
ئێستێ لە دونیا کە تۆ چوویە دەر
بەجێت هێشت کوێری مات و قەلەندەر
ئەولادی عەلی نەوەی پێغەمبەر
لەبۆ تۆ زوو بوو بچی بۆ سەفەر
«کامیل»! وەفاتت پشتی شکاندم
دڵ و دەروون و مێشکی تاساندم
ڕەشەبای مەرگ تۆی پێچایەوە
بردی لەگەڵ خۆی، گلی دایەوە
هەر دەڵێی گەردوون قینیەتی لێمان
هەر ڕۆژ زانایێ ناهێڵێ پێمان
بۆ «هێمن» چاوم وشک نەبۆوە
شینی ئەتۆشم بۆ تازە بۆوە
خۆزگە «ئەفزارتخلص» یش نۆرەی هاتبا
تا بە کاروانی سەروەران گەیبا