لێبووردن
از کتاب:
شاری دڵ
اثر:
سید کامل امامی (1903-1989)
1 دقیقه
672 مشاهده
بێ پاس و وەڕ و خوێڕی، وەک سەگ لە قەسابخانە
بێ هۆش و سەراسیمە، وەک مەستێ لە مەیخانە
بێ مەنزڵ و بێ جێگا، شێواو و پەرێشانم
دانیشتوو لە جێگەی چۆڵ، وەک کوندێ لە وێرانە
بێکارە و بێچارە، پەتیارە وو ئاوارەم
هەرتاوە لە لایێکم، بێ جێگە و بێ لانە
بێ زکر و بەبێ تاعەت، بێفکر و خەیاڵم من
دەخولێمەوە ڕۆژ و شەو لەو چۆڵ و بیابانە
بۆ پیری لەکارکەوتوو، لێبووردن و بەخشینە
بۆ «کامیلتخلص»ی بێچارە چاوپۆشییە دەرمانە