حاسڵی من
از کتاب:
شاری دڵ
اثر:
سید کامل امامی (1903-1989)
1 دقیقه
661 مشاهده
وەی کە هەر کاتێ شین ببێ گوڵی من
کە بپشکوێ، چ خۆش دەبێ دڵی من
ڕابوەستن هەتا دەگاتە بەهار
جا دەبینن گوڵیش لە سەر گڵی من
ئەوکەڕەت کیژوکاڵ لە من پرسن
تێدەگەن باش کە قەبرە مەنزڵی من
مەنزڵی چی؟ پڕە لە خیز و بەرد
پاکی هەر دڕکوداڵە باخەڵی من
کەسێ بچنێ گوڵێک لە سەر گۆڕم
هەڵدەچێ زوو لە دەستی پێکوڵی من
بەرهەمی ساڵیانەکەم پرسن
سەری خەرمان جەفایە حاسڵی من
من بە «ئاواتتخلص»ی خۆمەوە سووتام
داخۆ کەنگێ بڵند بێ مەشقەڵی من