من بەبێ باب و تۆ بەبێ داکی
از کتاب:
دیوانی سامی عەوداڵ
اثر:
سامی عودال (1910-1985)
1 دقیقه
345 مشاهده
من بەبێ باب و تۆ بەبێ داکی
یارێ پەیدا کەین وەک عەمەل چاکی
تا ڕەفیق بیتن بۆ من و بۆ تۆ
بۆ وەقت بڕوا وا بە بێ باکی
لە شەودا ماتم خەو وەکوو مەرگە
خۆ بەیان واهات ڕێی بە ڕووناکی
شەو بە داپۆشەر سیحەتی ئینسان
ڕۆژ بە زیندی بوون خۆر بە خۆراکی
بۆ چییە ئاڵتون پەنجەرەی زیوین
مێشکی خۆت پڕ کە یا بیکەی خاکی
حیکمەتە ترسو تۆ کە سامی کەی
ڕاست بڕۆ ڕاستی تۆ بە ئیدراکی