ئایار
از کتاب:
دیوانی سامی عەوداڵ
اثر:
سامی عودال (1910-1985)
1 دقیقه
633 مشاهده
جەژنەیە جەژنی گشتی کارگەران
لەناو کارخانە و دنیای هەندەران
وا یەکدی گرن یەک بیر و بڕوا
لە جەرگەی گەل و جێگای کارگەران
هاوار و شیعار دەژێ لە ئاسمان
بە نرکەی تۆپیش لەناو سەنگەران
گرمەی قومبولان وا بە دەنگی ماف
دەنگ دەداتەوە و خاوەن هوننەران
ئەیدەنە مێژوو مەکتەبەی ئومەم
چاپی ئازادی و مەرد و نووسەران
لە ڕێی مەبدەئو ژینێکی وەک یەک
بۆ بێ کاری گەل خانە بێ دەران
بەزمی ئایارە چینی ڕەنج خوراو
لە مەیدان بۆ ژین هەر بە خەنجەران
سەرکەوت هێزی چینی خوێنمژراو
لەسەر فاشیست و بڕوای نۆکەران
دەبێ سەرکەوێ هێزی وا بە «سامتخلص»
بە پشتی خودا و گشت پێغەمبەران