بۆ چاوت پڕ نابتەوە
از کتاب:
دیوانی سامی عەوداڵ
اثر:
سامی عودال (1910-1985)
1 دقیقه
605 مشاهده
دەوجا بەسە سەرمایەدار
هەتا کەینێ زێڕ و دۆلار
تابۆتیشت وابوو بەزێڕ
هەتاکەی زێڕ و زەوی و زار
بەسیە موڵک و خۆتۆخوانی
ببیە یەزدانی ئینسانی
بیبە خاوەنی جەهەننم
یا بەهەشتی گوڵ و گوڵزار
هەتا کەینێ ببیە زەنگین
لە ژمارەی کوردی غەمگین
ببیە خاوەن جۆگە و جۆبار
شانشین و کۆشک تەلار
ئەوجا بەسە شەرمت هەبێ
بەخوا بەخوا ڕۆژەک دەبێ
لاشەت دەڕزی و دەتلێتەوە
دەبتە خاک و چینی دیوار
هەتا کەینێ سامێ ناکەی
بەخوا بەخوا بڕوا ناکەی
بازرگانی پێ ڕەوانی
لە یەزدان و لە دین بێ زار