میوانی

از کتاب:
دیوانی حەقیقی
اثر:
حقیقی (1902-1996)
 3 دقیقه  648 مشاهده
لە حەیفی عومری هیچ و پووچ و نەفسی سەرکەش و یاغی
بە ڕەغمی غەم بە کوێرایی حەسوود و دەست و چۆماغی
برایم ئاغا بڕۆ میهمانێکی ساز کە! دەزانی چۆن؟
وەکوو میهمانێکەی حاجی سمایل ئاغا لە نێو باغی
لە بەر تاچین پڵاو و گۆشتی بەرخی ڕێی نەبێ ڕێدار
لەبەر دۆکڵیو و سالاد و لەبەر دۆی سارد و چای داغی
مەزەی دۆ ترشەکەی باوەڕ کە خۆشتر بوو لە کانادا
لە زگدا جێ نەما تێی کەم حەیف بۆ مەشکەپاڵاغی
بە خۆرشتی فڕووج و ڕوببی ڕێواسی زگی ماسی
ئەوەی دەتدیت و دەتناسی لە خانە خۆی و لە قۆناغی
لەبەر زۆری دروشم و داغی کەللەی بەرخی پێم وایە
نەماوە دانەیەک زستانەزێ ئەو ساڵ لە نێو شاغی
لە ڕێی بان هۆبەتوو ئەو ڕۆژە تووشی دەستەیەک مەڕ بووم
شوان دەیگوت ئەوا هەر دێن جەڵەب دارانی گەڵباغی
دەڵێن میهمانێکی ساز کردووە حاجی سمایل ئاغا
کە تەنیا بۆ نەهارێکی بەشی ناکا مەڕی تاغی
لە پیاو ماقووڵی شار و دێ ئەوەی نەتدیوە دەیبینی
لە ئەعیان و لە ئەشراف و لە بۆکانی و لە سابڵاغی
ڕەفیقان جەمع و گەرمی قیل و قالن داخەکەم «قالە»
بە تەنیا تۆ دیار نی و لێرە نی جێت خاڵی «دەبباغی»
منیش دەعوەت کرام وچووم و دیم و ئافەرینم گوت
وتم بیهۆنەوە خۆ تۆ لە شێعران گورج و قۆناغی
لە داخی شێعری نوێ کردوومە تەرکی شاعیری ئەمما
وەکوو شیر هەڵدەچێ تەبعم گەلێ وەختان بە قاچاقی
دەمێ ئەو مەجلیسی سیدق و سەفایە باسەفایەم دی
وەبیرم هاتەوە دەور و زەمانی ڕاستی و ساغی
حەمامیان سەردەمێکی مەرکەزی عیلم و شەریعەت بوو
قەڵای سەرداری بۆکان هەر بڵیندە و بەرزە بەیداغی
ئەتۆش هەروا نەهارێکمان دەیە ئەمما بە شەرتێکی
ئیتر نەیهێنیە گۆڕێ سوحبەتی بارگین و داشاغی
زەمانی ئیستیشێن و لەندەوێر و جیپ و پەیکانە
نەماوە شوێنی ڕاو و ئەسپی بۆرە و زین و قەڵتاغی
نەهارێکی کەبابی بەرخ و تاچین و شڕ و شاڵات
لەگەڵ عەسرانە تۆراغ و لەگەڵ سوبحانە قەیماغی
مەبەس لەو نەزمە شۆخی بوو دەنا تێرم «بحمداللهعربی»
هەمە «خيرالامور اوسطعربی»ی واش نا ببم یاغی
مەرامم مەجلیسێکی ئونسە خاڵی بێ لە بێگانە
بە قەولی سەعدیشخص ناحاوێتەوە تووتی لە گەڵ زاغی
لە گۆشەی ئینزیوادا ماومەوە بێ یار و بێ هەمدەم
ڕەفیقی زوو نەبانن لێم وەکوو وشتر لە دەیلاغی
کە دەمبینن دەکەن خەندێکی نابەدڵ و دەپرسن لێم
حەقیقیتخلص چۆنە ئەحواڵت؟ دەڵێن بەینێکە ناساغی