ناڵەی کوڵی دڵ کوانێ تەئسیرت؟
از کتاب:
دیوانی خادیم (بەرگی ١)
اثر:
خادم (1895-1953)
1 دقیقه
660 مشاهده
ناڵەی کوڵی دڵ کوانێ تەئسیرت؟
بەخەتا ڕۆیی بۆ هەدەف تیرت؟
ئەی فرمێسکی چاو هەڵڕژێ بەتاو
کوا جۆشی هەڵچوون وەک دیزەی شیرت؟
دامین گوڵگون کە بە خوێنی جگەر
پڕژێنە سەر خاک قەترەی ئەکسیرت
هاودەردی دەردم ئەی بلبلی زار
لە گوڵزار ئەبویم ناڵەی شەیگیرت
منیش هەروەک تۆ بە شەو دەناڵم
وەک نەغمەی بە سۆز وا عالەم گیرت
من بۆ گوڵ ڕەنگی تۆ بۆ ڕەنگی گوڵ
شەرتی دوو بە دوو نەچێ لە بیرت
ئەی دڵی مەحزوون چەبوو تاوانت
کێ بە زوڵفی خۆی کردی زنجیرت؟
وەک پەروانە بە، بێ پەروا لەخۆت
بە شەمعە سووتان چارە و تەدبیرت
کەوتووم و خادیمتخلص لەبەر ئەم دەرگە
یەکێک هەر ئەبێ ببێ دەستگیرت