چوون کۆی عەوداڵان
از کتاب:
دیوانی سەیدی
اثر:
صیدی (1785-1849)
2 دقیقه
1171 مشاهده
چوون کۆی عەوداڵان، چوون کۆی عەوداڵان
کۆن؟ کۆیێ دڵگیر، چوون کۆی عەوداڵان؟!
کابەی مەقسوودەن، پەرێ نەوهاڵان
پەی وایەی موراد وەنەش مەلاڵان
کۆی بەرزی بوڵەند، چمان کۆی قافەن
بە بەرزی بەرزەن، بە سافی سافەن
سەر کێشان نە ئەوج چەرخی چەهبەری
بۆش نیان نەبۆی «زوهرە»و «موشتەری»
جای شەو بیداران، سەحەر لاڵانەن
تەکیەگای خاسان، «هەفت ئەوداڵانەن»
هەر هەفت عەوداڵان، قوتبی ڕووی زەمین
چوون «اَصحابُ الكَهفعربی» دایم غارنشین
مەسکەنشا گرتەن بەو بوڵەند کۆوە
«يا مَن هوعربی» شانەن هەر ڕۆ جە نۆوە
تا دونیا وە پشت ماهیش قەرار بۆ
ڕوتبەشان بوڵەند، هیممەتشان یار بۆ
هانە پای ئەو کۆ ڕەندان، چوون پەری
گشت ئامادەی حوسن شۆخی و دوڵبەری
نەک جە خەم نیشۆ نە دڵشان خارێ
کەردەنشان دەستوور، هەر هەفتێو جارێ
وەختی شاخەی «سوبح»، ئەو گرۆی ڕەندان
کۆی کڵاف نە دۆش موشکین کەمەندان
مەخێزان بە عەزم بارگەی «عەوداڵان»
مەدان جە نەووە، تەرتیبی خاڵان
چوون «ئاهوی خوتەن»، ڕەوێڵەی تەتار
پۆل پۆل نازداران مەبینان قەتار
بە ڕەفت و هەموار، بە ڕێزە ڕێزان
مەشان بەو کۆوە، بە موراد وازان
وەختێ و پا مەنیان وە باڵای کەمەر
نە خاکی پاشان گوڵان مەنیان سەر
ئەشەدبۆی «طفیل» سەر نە ڕاشانەن
«چنوور» ئامێتەی خاک پاشانەن
«ياللَّةعربی» قاپی خەیر تۆ کەری گوشاد
یاوان بە «مەقسوود»، بدەیشان موراد
یا «هەفت عەوداڵان»، کۆی بەرزو بوڵەند
دیدەی بەد، پێشان نەیاونۆ گەزەند
عەوداڵانی بەرز، بەرز بۆ پایەشان
هیممەت یار کەرە، حە ق دۆ وایەشان
دایم بەی دەستوور خاتر شاد کەران
بەڵکم وەختی سەیر، ئێمەیچ یاد کەران
سەیدیتخلص تاسەی سەخت، دووری یارشەن
نە ئارام، نە سەبر، نە قەرارشەن
یا عەوداڵ سەیدیتخلص هاوار وە تۆشەن
دیدەش بە دیدار یار، کەری ڕەوشەن