çûn koy ’ewdałan
Li pirtûka:
Dîwanî Seydî
Berhema:
Sed (1785-1849)
2 Xulek
871 Dîtin
çûn koy ’ewdałan, çûn koy ’ewdałan
kon? koyê diłgîr, çûn koy ’ewdałan?!
kabey meqsûden, perê newhałan
pey wayey murad weneş melałan
koy berzî bułend, çiman koy qafen
be berzî berzen, be safî safen
ser kêşan ne ewc çerxî çehberî
boş nyan neboy «zuhre»û «muşterî»
cay şew bîdaran, seḧer lałanen
tekyegay xasan, «hefit ewdałanen»
her hefit ’ewdałan, qutbî řûy zemîn
çûn «اەسحابû alkehifErebî» daym ẍarinşîn
meskenşa girten bew bułend kowe
«ya men huErebî» şanen her řo ce nowe
ta dunya we pişt mahîş qerar bo
řutbeşan bułend, hîmmetşan yar bo
hane pay ew ko řendan, çûn perî
gişt amadey ḧusin şoxî û dułberî
nek ce xem nîşo ne diłşan xarê
kerdenşan destûr, her heftêw carê
wextî şaxey «subiḧ», ew giroy řendan
koy kiłaf ne doş muşkîn kemendan
mexêzan be ’ezim bargey «’ewdałan»
medan ce newwe, tertîbî xałan
çûn «ahwî xuten», řewêłey tetar
pol pol nazdaran mebînan qetar
be řefit û hemwar, be řêze řêzan
meşan bew kowe, be murad wazan
wextê û pa menyan we bałay kemer
ne xakî paşan gułan menyan ser
eşedboy «tifîl» ser ne řaşanen
«çinûr» amêtey xak paşanen
«yalilّeةErebî» qapî xeyr to kerî guşad
yawan be «meqsûd», bideyşan murad
ya «hefit ’ewdałan», koy berzu bułend
dîdey bed, pêşan neyawno gezend
’ewdałanî berz, berz bo payeşan
hîmmet yar kere, ḧe q do wayeşan
daym bey destûr xatir şad keran
bełkim wextî seyr, êmeyç yad keran
seydîNasnava edebî tasey sext, dûrî yarşen
ne aram, ne sebir, ne qerarşen
ya ’ewdał seydîNasnava edebî hawar we toşen
dîdeş be dîdar yar, kerî řewşen