çiraẍ cemînit
Li pirtûka:
Dîwanî Seydî
Berhema:
Sed (1785-1849)
2 Xulek
930 Dîtin
çiraẍ cemînit, çiraẍ cemînit
sewgend be sîmay safî cemînit
ta be řût neqşen xałî muşkînit
pay dił ha ne dam zułfî çîn çînit
ta dîdey mestit, puř surmey tûren
dîdey puř esirim xaw ce laş dûren
ta şem’î řûy to nûr mewaro lêş
min kogay ’umirim ayr meşo lêş
ta mujet şabał nîm nigay nazen
řoḧî min çûn teyr, her ne perwazen
nimebo bazař şewqî to, betał
ta min meylî tom meşo ne xeyał
to hersat ḧusinit bê endazeter
min herdem ’eşqim ce new tazeter
er fam pêş bya, diłey mecnûn xo
biřyaş temay lał şîrîn řazî to
bełam bê sûden pey dił î hewes
meḧałen ce «qend» dûr gino «meges»
’eşqî to bey tewr, min girten gerden
her înam ne dił, take řoy merden
sed sał dimay merg, ce daxt newguł
mizyo ne giłkom, «lale»y dax ne dił
er bey buyerî to ne mezarim
maçû: ey yarim hêmay daẍdarim
hêmay ce daxt mesoço derûn
hêmay meřêzno, dîdem seylî hûn
seydîNasnava edebî zamî ’eşq, toş hêmay weson
taseş be zerûr, pey dîdarî ton