چراغم تۆمەن
از کتاب:
دیوانی سەیدی
اثر:
صیدی (1785-1849)
1 دقیقه
1287 مشاهده
چراغم تۆمەن، چراغم تۆمەن
ئێندە من تاسەی دیداری تۆمەن
نە خاوی شەوان، نە ڕوان ڕۆمەن
شەوان هەر ئاخ ئاخ، ڕۆان ڕۆ ڕۆمەن
ئەر گەردوون وە شەون خەیاڵم وەرۆ...
یەک ڕۆ دیدارت نەسیبم کەرۆ...
تەنخوای دوو دیدەی ڕەمەد ڕەسیدە
درێغ من بیام دوو هەزار دیدە
وەلێ گشت مایەی نوور بەیا چێشان
تا سێر کەردام سەیر باڵای تۆ، پێشان
«دوو» چەم ئەر «سەد» ساڵ تەماشا کەران
کەی تاوان سێر سەیر باڵات بکەران
مەتەرسان جە دەرد دووری دوبارە
جای زاریشانەن، نەک جای نەزارە
سەیدیتخلص هەرکەس داخ هیجرانش وەردەن
سێر سەیری دیدار، هەرگیز نەکەردەن