سی و یەک: نەرمە، لەنجەکەت نەرمە

نیگای هەڵپەڕکێت گەرمە
جوانێ ئیتر لەبەرچی!
سەرکوڵمت پڕ لە شەرمە؟!شایییە و شەرمی ناوێ
قەزات لە ماڵم کەوێ
کوێراییی شەرم دایە
کەوا توخنت دەکەوێ!سەرچۆپێکەم لێ بگرە
شایییە، چۆپیە، فەرموو
بە فەقیانە شۆڕەکەت
ئاگر بەربەرە مردوو
بە، شان، هەڵی تەکێنە
با شێتگیر بن دەستەی کوڕ
ئاگر لە سەریان بەربێ
وەک نەوتی بابە گوڕگوڕشۆڕەکچ ڕەشبەڵەک گەرم بێ
بە عەرەقی گۆناکەت
بەردیش دڵی نەرم بێنەرمە لەنجەکەت نەرمە
نیگای هەڵپەڕکێت گەرمە
خاتوونی من لەبەر چی
شیعری تۆ تاجی سەرمە!