ڕابەر

از کتاب:
ئێمەیش لە خۆشەویستی دەزانین
اثر:
دلشاد مریوانی (1947-1989)
 1 دقیقه  852 مشاهده
گەر لێم زویر نەبوویتایە
سەوزیی وشک نەدەبوو
مرۆڤ هەرگیز نەدەمرد
گەر نەبوویتایە
مرۆڤ پەنجە و
خۆر تیشک و
بەهار بارانی نەدەبوو
گەر نەمناسیتایە
. .. .. ..
مەم زین و
سۆفی خودای نەدەناسی
***
ئەی گوڕوتینی تەمەنم
ئەی ڕابەری بەهەشتی سەر زەمینەکەم
من بێ تۆ چیم بکردایە؟!
تۆیەک
گەر گیانمت داگیر نەکردایە
هیچ نیشتمانێک ڕزگار نەدەبوو
تۆیەک
گەر کۆتاییت بەتەنیاییم نەهێنایە
چەوساندنەوە لە زەویدا
هەمیشە بەردەوام دەبوو.