ناوێرم
از کتاب:
فرمێسک و زەردەخەنە
اثر:
دلشاد مریوانی (1947-1989)
1 دقیقه
680 مشاهده
ئاهـ کە چەند لاسار و جوانی
گوڵی شادیم گەر هەبێ تۆیت
ئەگەرچی بۆ دڵم پشکۆیت
ساتێ داخم ئەکەی بەناز
ساتێ بەچاوی وەکو باز
بەجوانی خۆت ئەمبزوێنی
هەستی شیعرم ئەجووڵێنی
لەگەڵ ئەوەش کە ناوێرم
هەستی دڵمت پێ بسپێرم
نەک یاخی بیت لە خۆت بڵێی
من ئەو جوانەم ئەی تۆ خۆت کێی؟
بۆیە پێنووسم ڕائەگرم
باسی کەمێک جوانیت ئەگرم