هەی نیزام نە زام زام نامەت تۆ لابەرد

از کتاب:
دیوانی مەولەوی
اثر:
مولوی (1806-1882)
 1 دقیقه  690 مشاهده
هەی «نیزام» نە زام نامەت تۆ لابەرد
ئای ئای سزاش دا و قیامەتش کەرد
چەنی کزەی گەرم زایەڵەی موشکڵ
ئیزهار کەردەبێت پەرێ ئامای دڵ
زۆر ئاوەردەن پێش ناسۆری زامان
گۆیا جە لای تۆ وە لای من ئامان
مزانۆ هەر کەس جە عیرفان کەیلەن
هەر جنسێ چەنی جنسی وێش مەیلەن
بێدەرد ئەو بێدەرد، خەجڵ ئەو خەجڵ
گیان ئارەزووش گیان، دڵ تەمەنناش دڵ
نەدیەنم وە چەم، ئاگاهیم نییەن
دڵەکەی منیچ خەیلێن بەرشییەن
ئەو نە ئاخ و داخ، ئێد هەناسەی سەرد
ئەو ئالوودەی خەم، ئێد خەریکی دەرد
ئەو هووناو وە تاو، ئێد ئەسرین چون سەیل
ئەو نە واوەیلا، ئێد کۆ لەیل، کۆ لەیل
مولاقاتشان کەو جە کام هەردەن
کام وێرانەشان ئاوەدان کەردەن