hey nîzam ne zam zam namet to laberd
Li pirtûka:
Dîwanî Mewlewî
Berhema:
Mewlewî (1806-1882)
1 Xulek
888 Dîtin
hey «nîzam» ne zam namet to laberd
ay ay sizaş da û qyametiş kerd
çenî kizey germ zayełey muşkił
îzhar kerdebêt perê amay dił
zor awerden pêş nasorî zaman
goya ce lay to we lay min aman
mizano her kes ce ’îrfan keylen
her cinsê çenî cinsî wêş meylen
bêderd ew bêderd, xecił ew xecił
gyan arezûş gyan, dił temennaş dił
nedyenim we çem, agahîm nîyen
diłekey minîç xeylên berşîyen
ew ne ax û dax, êd henasey serd
ew alûdey xem, êd xerîkî derd
ew hûnaw we taw, êd esrîn çun seyl
ew ne waweyla, êd ko leyl, ko leyl
mulaqatşan kew ce kam herden
kam wêraneşan awedan kerden