هەرچەند دۆست لە لات وەک برا و کەسە
از کتاب:
پەندەکانی پیرەمێرد
اثر:
پیرمرد (1867-1950)
1 دقیقه
3760 مشاهده
هەرچەند دۆست لە لات وەک برا و کەسە
هێند ئامشۆی مەکە، پێت بڵێن بەسە!
کە زانیت شەوە و دزت لە دەورە
دەست بە کڵاوی خۆتەوە بگرە!
کە شێوەییت دی، بڕۆ تێپەڕە
سەگی سەرملە، بە دوو لا وەڕە
گوێی ڕانەکێشی، زۆر کەس بێ گوێیە
کوتەک دەزانێ قۆناغ لە کوێیە
بۆ چەنەبازی کە نەزان دووە
لە بەهەشتەوە کوتەک هاتووە
ئەوی بۆ مەنسەب بەرچاو چوو، فێرن
لەگەڵ لێ کەوتی ڕوو وەردەگێڕن