وەی من دیارەن پەنجەی تارمەن
از کتاب:
دیوانی مەولەوی
اثر:
مولوی (1806-1882)
1 دقیقه
683 مشاهده
وەی من دیارەن پەنجەی تارمەن
سەروەختی هامن نەووەهارمەن
سوبحم نە تۆی شەو مەخەنۆ وەکەردەم
وەکەردەکەی بەد عومری ویەردەم
پۆسی کووسی گۆش نم کێشان کەمکەم
ئەمسەرەو سەرەن دووربینەکەی چەم
خەم بیم یانێهای پێم مدۆ خەبەر:
نە دەرگای هەستی تەشریف بەر ئەو بەر
جە حەد بەرشییەن هەر یەند نزاریم
نەمەندەن تاقەت ڕای پەردەداریم