فەردی تەنیای تاک
از کتاب:
دیوانی شاهۆ
اثر:
شاهو (1882-1971)
2 دقیقه
1317 مشاهده
فەردی تەنیای تاک ...
جە عەیب بێ بەری، جە ئالایش پاک
بێ تاتە و فورزەند بێ شەریک بێ باک
بێ یاگە و مەکان، ڕافیع الافلاكعربی
ماڵێکە ملووک شەهەنشای کەونین
حاکمی موتڵەق علی العالمينعربی
ئیجاد کونوندەی مەخلۆق جە عەدەم
ئافەرینندەی عالەم جە قێدەم
ڕۆزی دەهێندەی عموومی زیرۆح
پەی دەروون تەنگان دەهێندەی فتووح
خارێجی هوموم، خەمبارانی زار
کاشفی غوموم دڵانی پڕ خار
ڕەحم کەر وەحاڵ دڵەی غەریبان
نەجات دەهێندەی یوسف جە زیندان
یا ڕەب وە حاجەت، زولجەلالی وێت
بە زات و سیفات لایەزالی وێت
بە ئادەم بەشیس بە نووح بە ئەییوب
بە هوود بە ساڵەح بە یەحیا و بە یەعقووب
یاڕەب بە خەلیل بە ئیسحاق ئیدریس
یاڕەب بە داوود «ذوالكفل و جرجيسعربی»
...............متن نامشخص هاڕوون و مووسا
بە سولەیمان و شوعەیب و عیسا
بە پێغەمبەران ئەنبیای مورسەل
بە «ئولولعەزمان» بارەگاهی فەزڵ
دیسان بە حاجەت فەخری مورسەلین
خۆشەویستی خاس رب العالمينعربی
خاتم الرسل، هادی السبيلعربی
شافع الذنوبعربی، ڕافیع العليلعربی
سيد الكونين نور المشرقينعربی
نیرو العالمعربی، شمس الحافيقينعربی
محمد احمد طه، و ياسينعربی
مصطفی مرسل علی الثقلينعربی
یاڕەب بە سدیق، بە عەدلی عومەر
بەو نۆ عوسمانی، بە شێری حەیدەر
بە حەمزە و عەباس بە تەلحە و زۆبەیر
بە سەعد و سەعید موبەشر بە خەیر
بە کزەی سینەی زەهرایی بەتوول
بەدوو نەونەمام ئەولادی ڕەسوول
بەو نۆ ئەسحابا شەهیدا بەدری
بە ساحێب شمشێر نەگۆ و خەیبەری
یاڕەب بە حاجەت عاشقانی وێت
بە موقەڕەبان لامەکانی وێت
ئومێدم ئێوەن بە فەزڵ و بە ڕەحم
ببەخشی گونام بە لوتف و کەرەم
............متن نامشخص
جە کەردەی بەدی وێم شەرمەسارم
سەراپا غەرقەی بەحری عوسیانم
سەرکردەی جەرگەی گوناهـ کارانم
دەفتەرم جە ڕووی وێم سیا تەرەن
ڕەفتاری بەدم جە «بەد» بەدتەرەن
سەدبار ڕووسیا و سەرئەفکەندەی تۆم
ئومێدم بە تۆن، کەمتر بەندەی تۆم
گەر تۆ نەبەخشیم، وە گەورەویی وێت
کێن ئیتر پەنام؟ تۆ بوزرگی وێت