فەردی تەنیای تاک
لە کتێبی:
دیوانی شاهۆ
بەرهەمی:
شاهۆ (1882-1971)
2 خولەک
1037 بینین
فەردی تەنیای تاک ...
جە عەیب بێ بەری، جە ئالایش پاک
بێ تاتە و فورزەند بێ شەریک بێ باک
بێ یاگە و مەکان، ڕافیع الافلاكعەرەبی
ماڵێکە ملووک شەهەنشای کەونین
حاکمی موتڵەق علی العالمينعەرەبی
ئیجاد کونوندەی مەخلۆق جە عەدەم
ئافەرینندەی عالەم جە قێدەم
ڕۆزی دەهێندەی عموومی زیرۆح
پەی دەروون تەنگان دەهێندەی فتووح
خارێجی هوموم، خەمبارانی زار
کاشفی غوموم دڵانی پڕ خار
ڕەحم کەر وەحاڵ دڵەی غەریبان
نەجات دەهێندەی یوسف جە زیندان
یا ڕەب وە حاجەت، زولجەلالی وێت
بە زات و سیفات لایەزالی وێت
بە ئادەم بەشیس بە نووح بە ئەییوب
بە هوود بە ساڵەح بە یەحیا و بە یەعقووب
یاڕەب بە خەلیل بە ئیسحاق ئیدریس
یاڕەب بە داوود «ذوالكفل و جرجيسعەرەبی»
...............دەقی نائاشکرا هاڕوون و مووسا
بە سولەیمان و شوعەیب و عیسا
بە پێغەمبەران ئەنبیای مورسەل
بە «ئولولعەزمان» بارەگاهی فەزڵ
دیسان بە حاجەت فەخری مورسەلین
خۆشەویستی خاس رب العالمينعەرەبی
خاتم الرسل، هادی السبيلعەرەبی
شافع الذنوبعەرەبی، ڕافیع العليلعەرەبی
سيد الكونين نور المشرقينعەرەبی
نیرو العالمعەرەبی، شمس الحافيقينعەرەبی
محمد احمد طه، و ياسينعەرەبی
مصطفی مرسل علی الثقلينعەرەبی
یاڕەب بە سدیق، بە عەدلی عومەر
بەو نۆ عوسمانی، بە شێری حەیدەر
بە حەمزە و عەباس بە تەلحە و زۆبەیر
بە سەعد و سەعید موبەشر بە خەیر
بە کزەی سینەی زەهرایی بەتوول
بەدوو نەونەمام ئەولادی ڕەسوول
بەو نۆ ئەسحابا شەهیدا بەدری
بە ساحێب شمشێر نەگۆ و خەیبەری
یاڕەب بە حاجەت عاشقانی وێت
بە موقەڕەبان لامەکانی وێت
ئومێدم ئێوەن بە فەزڵ و بە ڕەحم
ببەخشی گونام بە لوتف و کەرەم
............دەقی نائاشکرا
جە کەردەی بەدی وێم شەرمەسارم
سەراپا غەرقەی بەحری عوسیانم
سەرکردەی جەرگەی گوناهـ کارانم
دەفتەرم جە ڕووی وێم سیا تەرەن
ڕەفتاری بەدم جە «بەد» بەدتەرەن
سەدبار ڕووسیا و سەرئەفکەندەی تۆم
ئومێدم بە تۆن، کەمتر بەندەی تۆم
گەر تۆ نەبەخشیم، وە گەورەویی وێت
کێن ئیتر پەنام؟ تۆ بوزرگی وێت