خەڵکی مستەفای میروەیس هەبوو جارێک گایەکی...

خلکی مستەفای میروەیس هەبوو، جارێک گایەکی باری پێ ئەبێ، ئەچێتە سولەیمانی ئەگاتە بەر مزگەوتی مەلا مەحمووی نیزامی، کاتی نوێژی عەسر ئەبێ، گایەکە لە دەرەوە بەجێ دێڵێ و خۆی ئەچێتە مزگەوتەکەوە بۆ نوێژ. کە دێتە دەرەوە سەیر ئەکا ئەوا منداڵێکی حەلوافرۆش تەبەقە حەلواکەی لەوملاوە داناوە و سواری گایەکە بووە و بەو ناوەدا ئەیڕەتێنێ، پێی ئەڵێ ڕۆڵە ئەوە بۆ چ سواری ئەو گایە بوویت و وای لێ ئەکەی؟ ئەڵێ: وەڵڵا مامە لە ترسی ئەوە نەوەک بڕوا و لە دەست بچێ. ئەڵێ: وەڵڵا ئەگەر بڕۆشتایە باشتر بوو بە لامەوە کە تۆ وای ئەڕەتێنی. ئەڵێ: «مامە کە واتە وا بزانە ڕۆیشتووە، بیدە من و منیش شوکرت ئەکەم. شوکرەکەی منت بۆ ئەمێنێتەوە».