مەرگت دێوەلوول خەمان دێونان
از کتاب:
دیوانی مەولەوی
اثر:
مولوی (1806-1882)
1 دقیقه
613 مشاهده
مەرگت دێوەلوول خەمان دێونان
بونیادی خەرمان عیرفان شێونان
جە دیدە و دەماخ، جە گۆش و گەردەن
دووریت نمەز کام زامدارتەر کەردەن
دیدە پەی ڕوخسار خورشید وارەکەت
یا دەماخ پەی بۆی عەنبەر بارەکەت
گۆش پەی شنۆی ڕاز ڕێزەی شەکەر ڕێز
یا گەردەن پەی بەند حەڵقەی زوڵفی دێز
خێڵخانەی مەینەت یەند ئاما و شییەن
وە سەفحەی دڵدا سۆهان ساو بییەن
هیچ بەند نمەبۆ پای بەڵاش پێوە
وەرنە هەی شاباز شۆخی شەم شێوە
جە کۆ مەعدوومیتخلص ئەو تاقەت دارۆ
ساتێ وە بێ دین باڵات بویارۆ
قەزا وە سەد تەرز بەڵا باریشەن
دڵ هەم هەر دەمێ تەرزێ زاریشەن
چێش بی، هامدەردان دەروون جە خەم کەیل؟
ئەو باڵا و چیهرە و خاڵ و زوڵفی لەیل
تۆمەی سەروی گوڵ وەنەوشە و سونبوڵ
شاناش باخەوان ئەجەل وە تۆی گڵ
تا دیسان ئەر قەیس وە مودارا بۆ
نە کام وەهارا چەمەن ئارا بۆ