mergit dêwelûl xeman dêwnan
From the Book:
Dîwanî Mewlewî
By:
Mawlawi Tawagozi (1806-1882)
1 minutes
635 views
mergit dêwelûl xeman dêwnan
bunyadî xerman ’îrfan şêwnan
ce dîde û demax, ce goş û gerden
dûrît nimez kam zamdarter kerden
dîde pey řuxsar xurşîd wareket
ya demax pey boy ’enber bareket
goş pey şinoy řaz řêzey şeker řêz
ya gerden pey bend ḧełqey zułfî dêz
xêłxaney meynet yend ama û şîyen
we sefḧey diłda sohan saw bîyen
hîç bend nimebo pay bełaş pêwe
werne hey şabaz şoxî şem şêwe
ce ko me’dûmîPen name ew taqet daro
satê we bê dîn bałat buyaro
qeza we sed terz beła barîşen
dił hem her demê terzê zarîşen
çêş bî, hamderdan derûn ce xem keyl?
ew bała û çîhre û xał û zułfî leyl
tomey serwî guł wenewşe û sunbuł
şanaş baxewan ecel we toy gił
ta dîsan er qeys we mudara bo
ne kam wehara çemen ara bo